MacKenzie Scott, ish-gruaja e themeluesit të Amazon dhe njeriut më të pasur në botë Jeff Bezos, tha se do të dhuronte 2.74 miliardë dollarë për grupe arti dhe shoqata që luftojnë diskriminimin racor.
Sipas revistës Forbes, MacKenzie zotëron gati 60 miliardë dollarë dhe është zotuar të dhurojë gjysmën e pasurisë së saj për bamirësi, raporton AFP.
Forbes shton se ajo fitoi një pjesë të pasurisë së saj duke u divorcuar nga Bezos.
MacKenzie Scott, e cila që nga ajo kohë është martuar me profesorin e shkencës Dan Jewett, tha se ajo dhe burri i saj ishin “shtyrë nga besimi se do të ishte më mirë nëse pasuria joproporcionale nuk do të ishte në duart e disa njerëzve”.
Miliarderja më parë kishte dhuruar rreth gjashtë miliardë dollarë për të ndihmuar ata që ishin më të prekur ekonomikisht nga epidemia e koronavirusit dhe më pas tha se donte të zvogëlonte shpërndarjen e pabarabartë të pasurisë. /tesheshi.com/
