Qindra lituanezë kanë bashkuar forcat për të blerë Ukrainës një dron të avancuar ushtarak për luftën kundër Rusisë, në solidaritet me shtetin fqinj të Moskës.
Pesë milionë eurot e kërkuara u mblodhën në vetëm tre ditë e gjysmë, kryesisht në shuma të vogla, për të financuar blerjen e dronit ushtarak Bayraktar TB2.
Por prodhuesi turk i dronëve Baykar ka marrë një vendim bujar për të dhuruar dronin Bayraktar dhe paratë e
mbledhura do të ridrejtohen për ndihmën humanitare në Ukrainë. Ministri lituanez i Mbrojtjes Arvydas Anusauskas nuk e fshehu entuziazmin e tij për vendimin e kompanisë turke.
“E pabesueshme, por Turqia pranoi t’i jepte Ukrainës një dron falas për të cilin lituanezët mblodhën para. Për paratë e mbledhura, ne do të blejmë municion për Bayraktarin dhe pjesa tjetër e parave do të shkojë gjithashtu për të mbështetur Ukrainën. Faleminderit Turqi”, tha ministri Anushauskas. /tesheshi.com/
