Një grup me ndikim i ish-kryeministrave libanezë ka zgjedhur diplomatin pak të njohur Mustapha Adib për të udhëhequr qeverinë e re të vendit, pak përpara procesit të emërimi.
Duke folur me një grup që u mblodh të delën, Fouad Siniora tha që Adib duhet të mbledhë me shpejtësi një qeveri të aftë për të kryer reformat e nevojshme dhe për të mbikëqyrur rindërtimin e Bejrutit pas shpërthimit që shkatërroi pjesën më të madhe të qytetit në fillim të këtij viti.
Grupi i katër kryeministrave të mëparshëm përfaqëson numrin më të madh të muslimanëve suni në parlamentin e Libanit. Mbështetja prej tyre shihet si thelbësore për suksesin e kryeministrit, i cili sipas paktit libanez për ndarjen e pushteteve duhet të jetë gjithmonë sunit.
Ish-kryeministri Hassan Diab kishte mbështetjen e vetëm një numri të vogël prej 27 suni në parlament, si dhe mbështetje të vogël në mesin e njerëzve. Qeveria e tij gjashtëmujore, e cila dha dorëheqjen pas shpërthimit vdekjeprurës, u pa gjerësisht si e paaftë në realizimin e reformave vitale ekonomike dhe politike, të kërkuara nga protestat masive që më parë çuan në dorëheqjen e Saad Haririt si kryeministër.
Formimi i një qeverie të re
Presidenti Michel Aoun do të këshillohet me anëtarët e parlamentit për zgjedhjen e një kryeministri të ri, i cili më pas do të ketë për detyrë të formojë një qeveri të re – një proces që dikur merrte muaj.
Konsultimet do të fillojnë me tre nga katër kryeministrat e mëparshëm dhe Lëvizjen Hariri për të Ardhmen, e cila ka të ngjarë të emërojë Adib, ambasadorin aktual të Libanit në Gjermani. Të gjithë blloqet e tjera të mëdha, përfshirë Hezbollahun, Lëvizjen Amal dhe Lëvizjen e Lirë Patriotike kanë treguar se ata do të bëjnë të njëjtën gjë dhe do t’i japin shumicën e votave Adibit.
“Dhuratë” nga Macron
Emërimi i Adib vjen përpara udhëtimit të dytë të Presidentit francez Emmanuel Macron në Liban për më pak se një muaj – vizitë që duhet të përqendrohet në nevojën për reforma për të hapur rrugën për mbështetje nga jashtë.
“‘Dhurata’ për Macron, ju duhet ta doni atë,” shkroi analisti libanez Karim Makdisi në Twtter.
Në Bejrut, vetëm disa ditë pas shpërthimit shkatërrues, Macron u tha udhëheqësve libanezë se duhet të arrihet një mirëkuptim i ri politik dhe paralajmëroi se dështimi mund të çonte në trazira të mëdha.
Libani është në krizën e tij më të madhe ekonomike dhe financiare në dekada, duke bërë që më shumë se gjysma e popullsisë së tij të çohet në prag të varfërisë dhe vlera e monedhës është në rreth 20 përqind të vlerës së saj që nga vera e kaluar. /tesheshi.com/
