Nga Brukseli, Lulzim Bashës i është dhënë një post i rëndësishëm, i cili ngjan si një mesazh mbështetjeje nga BE tashmë që ai ka marrë sërish drejtimin e PD-së, asaj zyrtare.
Sipas disa mediave, Basha është emëruar si raporter për konfiskimin e aseteve ruse dhe përdorimin e tyre për riparimin e dëmeve të shkaktuara nga agresioni i Rusisë kundër Ukrainës.
Vendimi është marrë nga Komiteti për Çështje Politike dhe Demokracinë në Asamblenë Parlamentare të Këshillit të Europës, të cilët kanë votuar unanimisht pro Bashës.
Më herët, kryedemokrati paraqiti një projekt rezolutë në Këshillin e Europës që bën thirrje për konfiskimin e aseteve ruse, krijimin e një fondi ndërkombëtar ku të depozitohen asetet e konfiskuara dhe vendosjen e këtyre fondeve në dispozicion të financimit për projektet e rindërtimit të Ukrainës.
Kështu, ai arrin një fitore politike në kontekst të përballjes së brendshme në kampin opozitar, ku kundërshtar kryesor ka vetë Berishën, i cili duhet thënë se gëzon më tepër përkrahje përkthyer në numra në PD-në e ndarë keqaz. /tesheshi.com/
