Televizioni shtetëror izraelit KAN raporton se organizata terroriste PKK/YPG, e cila vepron në Sirinë verilindore, ka kërkuar ndihmë nga Izraeli për të bindur autoritetet e Shteteve të Bashkuara të Amerikës (SHBA) që të mos tërheqin forcat amerikane nga Siria, transmeton Anadolu.
Në raportin e KAN thuhet se në radhët terroriste të PKK/YPG ka një atmosferë frike dhe paniku për mundësinë e tërheqjes së trupave amerikane nga Siria.
Në një intervistë për KAN, një terrorist i paidentifikuar i PKK/YPG tha se një pikë kthese historike në marrëdhëniet midis asaj organizate terroriste dhe Izraelit do të arrihet me mbështetjen politike të Izraelit në platformat ndërkombëtare dhe duke bindur administratën e presidentit të sapozgjedhur të SHBA-së, Donald Trump të vazhdojë të mbështesë “koalicionin ndërkombëtar” në Siri dhe të ndalojë gjoja “kërcënimet nga Turqia”.
Kanali izraelit raporton gjithashtu se një kanal komunikimi midis Izraelit dhe organizatës terroriste PKK/YPG është krijuar javët e fundit. /tesheshi.com/
