Dale Sharpe dhe Karlie Russel janë një çift australian të bashkuar nga dashuria për fotografinë dhe për aurorën boreale. Ata kanë vizituar një sërë shtetesh për të kapur bukurinë e këtij momenti natyror. Kështu që nuk është për t’u habitur që Dale vendosi t’i propozonte Karlie, nën reflekset e aurorës boreale.
Dale kishte menduar që ta propozonte të dashurën e tij gjatë një udhëtimi në arktik, dhe e kishte fshehur unazën prej 4 mijë dollarësh, brenda një shishe me krem dielli, të cilën Karlie e shkujdesur e kishte hedhur në aeroport.
Por Dale, nuk u dorëzua. Disa muaj më vonë programuan një tjetër udhëtim në Norvegji dhe Finlandë. Kësaj radhe Dale, e fshehu unazën brenda kutisë së ndihmës së shpejtë, të cilën Karlie me siguri nuk do guxonte ta hidhte.
Momenti i propozimit erdhi pikërisht pak ditë para përvjetorit të shtatë të çiftit.
“Isha totalisht nën shok. Më kërkoi të bënim një selfie dhe nxori unazën. Ishte fantastike”, thotë ajo./tesheshi.com/
