Që macet janë kafshë me të vërtetë inteligjente, këtë e dinim prej kohësh, por kurrë nuk e kemi imagjinuar se një felin do të mund të regjistrohej ndonjëherë në shkollën e mesme.
Historia e çuditshme vjen nga Shtetet e Bashkuara të Amerikës dhe ka si protagonist macen e quajtur Bubba, e cila jeton në afërsi të një gjimnazi. Kjo mace hyn çdo ditë në shkollë për të ndenjur bashkë me studentët, të cilët janë afeksionuar me të vërtetë shumë me të.
Çdo ditë nxënësit e shkollës së mesme kujdesen për Bubban. Ata i kanë lënë maces një karrige dhe një bankë vetëm për vete, prej ku macja ndjek mësimin dhe nuk fle gjumë, siç ndodh me macet e zakonshme. Ndonjëherë, e veçanërisht gjatë orëve të pushimit, nëse del një shëtitje nëpër shkollë, mund të takohesh me maçokun nëpër korridore.
Bubba nuk ka frikë nga asnjë gjë dhe është shumë i shoqërueshëm. Falë karakterit të tij, ai ka arritur të fitojë një lidhje shumë të veçantë me studentët e kësaj shkolle, një histori me të vërtetë e rrallë, e cila tregon se miqtë tanë me 4 putra, mund të jenë shumë të dashur dhe në shumë raste zëvendësojnë edhe ata të racës sonë./tesheshi.com/
