Shpallja kampion e Çelsit në kampionatin anglez është shoqëruar dhe me një çmim të veçantë për njeriun që udhëhoqi në këtë fushatë të suksesshme.
Antonio Conte është përzgjedhur si trajneri i i vitit i Premier League-s nga Shoqata e Trajnerëve të Ligës. Një çmim në shenjë vlerësimi për punën e bërë nga Çelsi, duke e rikthyer te titulli pas një sezoni të dështuar.
Tekniku 47-vjeçar bëhet i dyti italian që e merr këtë çmim pas Claudio Ranieri-t, i cili një vit më parë do të befasonte me Lestër Sitin.
Conte dhe Çelsi kanë mundësi të fitojnë dhe një trofe tjetër këtë të shtunë, në finalen e FA Cup-it ndaj Arsenalit.
Vetëm në vitin e tij të parë te Çelsi, Antonio Conte ka një kontratë me klubin londinez që përfundon në qershorin e 2019-s. /tesheshi.com/
