Në gjininë e dokumentarit të shkurtër, çmimin Oscar e ka fituar “The White Helmets”, ku flitet për grupin e vullnetarëve që shpëtojnë jetë njerëzish në vatrat e konfliktit sirian.
Ndërsa “Helmetat e Bardha” është nderuar me çmimin, regjisori Orlando von Einsiedel ka lexuar para të pranishmëve në sallë ca fjalë të shkruara me këtë rast nga themeluesi i këtij organizmi, Raed Al-Saleh, përmes të cilave falënderohet akademia e dhënies së çmimeve e kujtohet se përmes vullnetarizmit të “helmetave të bardha” janë shpëtuar mijëra jetë njerëzish.
“Ne jemi shumë mirënjohës që ky film ia ka bërë të njohur botës punën tonë. Organizmi ynë është i udhëhequr nga një ajet nga Kur’ani: të shpëtosh një jetë është si të shpëtosh të gjithë njerëzimin,” do të lexonte regjisori i dokumentarit në ceremoninë e dhënies së çmimeve Oscar.
“Ne kemi shpëtuar më shumë se 82.000 jetë siriane. Unë e ftoj këdo këtu që më dëgjon mua të punojë për të ndaluar gjakderdhjen në Siri dhe anembanë botës,” do të vijonte leximi.
Një tjetër kontribues, Khaled Khatib, kinematografi sirian që punoi mbi dokumentarin, nuk qe në gjendje të merrte pjesë në ceremoni, i ndaluar për të hyrë në SHBA edhe pse ishte i pajisur me një vizë. /tesheshi.com/
