Policia argjentinase ka arrestuar një burrë në Buenos Aires, i cili kishte në posedim një sasi të madhe armësh të vjetra naziste të zbukuruara me simbole të Rajhut të Tretë nga koha e regjimit famëkeq të Adolf Hitlerit, thanë zyrtarët atje të premten.
Sipas një raporti nga policia federale e Argjentinës, policia sekuestroi më shumë se 60 armë zjarri nga shtëpia e personit të paidentifikuar, duke përfshirë 43 pushkë të zbukuruara me simbolet e shqiponjës naziste, 15 pistoleta, pesë bajoneta dhe një mitraloz.
Autoritetet konfiskuan gjithashtu flamuj nazist, uniforma ushtarake, kapele, helmeta dhe buste të Hitlerit, thuhet në raport.
Stafi i Muzeut të Holokaustit në Buenos Aires ka ndihmuar në operacionin policor, thuhet në raportin e policisë.
Arratisja e nazistëve para drejtësisë
Shtëpia ku u gjetën objektet ndodhet në qytetin e Quilmes, pranë skajit jugor të zonës së madhe përreth të Buenos Aires, kryeqyteti i Argjentinës.
Policia e gjurmoi burrin pasi ai udhëtoi jashtë vendit dhe u përfshi në një hetim të nisur nga policia e Bosnje, sipas Reuters.
Pas Luftës së Dytë Botërore, shumë zyrtarë nazistë, duke përfshirë mbikëqyrësin famëkeq të kampit të vdekjes, Adolf Eichmann, emigruan në Argjentinë për të shmangur gjyqet e krimeve të luftës.
Vitin e kaluar, forcat lokale të sigurisë bastisën dhe mbyllën një librari argjentinase që shiste libra për nazizmin në internet. /tesheshi.com/
