Rushit dhe Ceni Cahaj, furrtarë të klasit të parë, kanë bërë prodhime brumi për një pjesë të madhe të Serbisë.
Por pas vrasjes së një furrtari shqiptar në Novi Sad, klima ka ardhur duke u rënduar.
Bab e bir kanë vendosur që ta zhvendosin biznesin nga qyteti i Kikinda-s që është në rajonin e Vojvodinës, në Kurshimli, i cili është në kufi me Kosovën dhe Medvegjën.
Kurshimlija ka qenë dikur qytet i populluar me shqiptarët bashkë me Nishin, por pas luftës ruso-turke dhe Traktatit të Shën Stefanit, Kurshmlija, Toplica, Nishi, Sanxhaku, etj., iu dhanë Serbisë.
Qyteti Kurshumli po përjeton një krizë të vërtetë ekonomike dhe shumë veta po shesin pronat e tyre për të ikur gjetkë.
Dy furrrtarët, babw e bir kanë blerë një ambient dhe kanë hapur furrë buke, por bëjnë edhe byrekë, kifle, embëlsira e çdo gjë të tjerë që dinë t’i nxjerrin nga duart vetëm prizrenalinjtë.
Njerëzit i pëlqejnë shumë, aq sa në Kikinda vinin edhe nga Hungaria për të blerë simitet dhe kiflet e Rushitit dhe të birit.
Ceni është 29 vjeç dhe i ka duart e arta. Ai thotë se megjithatë ka një klimë të keqe ditët e fundit e nxitur nga kryetari i bashkisë së qytetit që nuk ka dashur t’u japë leje. Ka dashur lekë, normalisht, por rezistencën e tij e ka fshehur në “argument politike”.
Mediat serbe joserioze online e kanë trajtuar çështjen me paranojën për të trembur klikuesit.
“Nishi dhe Toplica po u kthehet shqiptarëve. Me furra buke e zeje të ndryshme po blihen pronat në qytete”, thekson Alo.
Agjencia Presheva Jonë, ka bërë një trajtim më serioz, pasi shton se “Shqipëria e madhe nuk vjen me kifle e sultjasha por me kallasha”.
Megjithatë, kryebashkiaku i qytetit jep një argument absurd.
“Njerëzit janë në panik, ndaj unë do kërkoj një raport nga policia. Kanë frikë se shqiptarët po vijnë me shumicë”, thotë ai.
Ceni Cahaj thotë se edhe në Kurshumli vijnë klientët e vjetër nga Hungaria. “Shoferët e kamionëve apo furgonët e mallrave nuk largohen pa mbushur trastat me kifle, kuleçër dhe simite taze”, thotë Ceni duke fërkuar fort e fort enët me të cilat pjek bukën.
Përgatiti: Y.Pata – /tesheshi.com/
