Një bukë që të kthen 4500 vite prapa… Kështu është edhe kjo gatesë e përgatitur nga shkencëtari Seamus Blackley, i cili përdori majanë e bukës që gjeti në një enë egjiptiane të vjetër, që dikur ishte përdorur nga faraonët.
Majaja u gjet në një enë prej balte, tipike për konservim.
Me aq maja sa gjeti, ai e përdori për të gatuar një bukë, të cilën e përshkroi si “tipike e 4500 viteve më parë”.
Buka egjiptiane kishte një shije tjetër nga ajo që përgatitet sot.
Por çfarë është realisht majaja?
Ajo është një përzierje e miellit me ujë, i cili lihet të thahet në ambient të jashtëm dhe më pas i shtohet bukës si mjet natyral për t’i dhënë volum.
Në të kaluarën, majaja është përdorur në forma natyrale, ndërsa sot atë e gjen në forma të konservuara.
Rezultati që ai e nisi si eksperiment shkencor, doli të ishte një mrekulli e shijes dhe kuzhinës. Blackley e postoi recetën në Twitter, dhe shijen e bukës e përshkroi si “më të pasur dhe më të ëmbël se buka normale”.
Para dy javësh, Blackley së bashku me ndihmën e një egjiptologu dhe mikrobiologjisti nxorën në dritë majanë nga një poçari e vjetër egjiptiane. /tesheshi.com/
