Kancelarja gjermane Angela Merkel do të presë të shtunën jashtë Berlinit presidentin rus Vladimir Putin për të biseduar mbi një sërë çështjesh, ku sipas një zëdhënësi të qeverisë gjermane përfshihen Sira dhe Ukraina lindore
Takimi do të mbahet Castle Meseberg, një rezidencë qeveritare.
Të dy udhëheqësit janë takuar për herë të fundit në maj, në Soçi, ku ndër të tjera, temë qendrore ishte mbështetje për marrëveshjen bërthamore të Iranit nga e cila u tërhoq administrate amerikane, krejt në mënyrë të njëanshme.
Ndërkohë, Trump provokoi me një deklaratë duke thënë se Gjermania është “nën kontrollin e plotë të Rusisë”, për të cilën Merkel iu përgjigj se Gjermania është tërësisht e pavarurur në zgjedhjen e politikës së vet.
“Unë personalisht kam jetuar si pjesë e Bashkimit Sovjetik që kontrollonte një prej Gjermanive. Dhe sot jam shumë i lumtur që jetojmë të bashkuar në liri nën një Gjermani. Prandaj mund të them se kemi një politikë të pavarur dhe marrim vendime të pavarura politike”, tha Merkel.
Kancelarja Merkel dhe ministri i jashtëm gjerman Heiko Maas takuan në korrik në Berlin me ministrin e jashtëm rus, Sergei Lavrov, dhe bashkë me të ishte edhe Shefi i Shtabit të Përgjithshëm të Forcave të Armatosura ruse Valery Gerasimov.
Ky takim Merkel – Putin vjen në një moment mjaft të trazuar si pasojë e politikave të administratës Trump, të cilat kanë tronditur të gjithë ekuilibrat gjeopolitikë. /tesheshi.com/
