Abdullah Kavukcu, Kryetar i bordit të Simit Sarayi, që është pjesë e zinxhirit të produkteve të pastiçerisë turke në Beograd, ka gostitur të martën Presidentin e Republikës së Turqisë Rexhep Tajip Erdogan dhe atë të Serbisë, Aleksandar Vuçiq, të cilët me këtë rast i ka qerasur me një simit (perece me susam) dhe çaj turk.
Pas takimeve zyrtare në Beograd, Erdogan dhe Vuçiç të shoqëruar nga zyrtarët e të dy vendeve, në ftesë të Kavukcua vizituan edhe një nga 12 lokalet e zinxhirit të shquar turk të produkteve të pastiçerisë, të cilat janë të vendosura në Beograd.
Kavukcu tha se Erdogan, ndër të tjera, ka ndërmend që Turqia në të ardhmen e afërt të prezantojë para botës dhjetë brende turke, dhe shtoi se ai dëshiron që Simit Sarayu të jetë pikërisht një prej këtyre brendeve.
“Kemi premtuar se do të jemi një nga dhjetë brendet. Ne tashmë kemi lokalet tons në 22 vende,” tha Kavukcu, duke shtuar se ata do të vazhdojnë të hapin shitore në mbarë botën.
Ai kujtoi se kohët e fundit në Serbi kanë blerë lokalet e Café Costa, pas së cilës në kryeqytetin serb kanë hapë lokalin me produkte furre Simit Sarayi.
Ai tha se, doli me idenë që gjatë vizitës së presidentit turk në Beograd, t’i ftojë presindentët Vuçiç dhe Erdogan për të vizituar dyqanin e tyre, kërkesë të cilën ata e pranuan.
“Ata ishin shumë të lumtur. Dhe ne u premtuam atyre se deri në fund të këtij viti në Serbi do të punësojmë rreth 500 vetë”, tha Kavukcu.
Ai shtoi se gjatë vitit 2018 do të hapë lokale të Simit Sarayi edhe në qytete të tjera të Serbisë, ndërsa deri në fund të këtij viti planifikon të hapë 15 lokale në Beograd.
Kavukcu tha se presidenti serb ka treguar interes të veçantë për produktet e ofruara nga prodhuesi, dhe ka premtuar se do t’i vizitojë përsëri.
Zinxhiri turk Simit Sarayi ka dyqane në Londër, Nju Jork, Amsterdam, Berlin, Frankfurt, Mynih, Rotterdam dhe shumë qytete të tjera. Në këtë zinxhir të produkteve të bukës shërbehet edhe kafe, çaj, biskota, simit, pite dhe ëmbëlsira tjera të ndryshme. /tesheshi.com/
