Agjencitë australiane të lajmeve, por dhe ato botërore, kanë publikuar një trup balene të një lloji të rrallë të cilën e kishte nxjerrë të ngordhur në brigjet e Australisë, pak pas ciklonit tropikal “Olvyn” që preku këto brigje muajin e kaluar. Balena në cjalë ka qenë e panjohur si specie dhe është bërë e njohur vetëm 12 vite më parë. Sipas këtyre agjencive, ky tip balene e njohur si Omuras, përbën edhe rastin e dytë që del në brigjet australiane e ngordhur.
Trupi i balenës u gjet në rërën e një plazhi të largët të qytetit Exmouth, rreth 1,265km ose 784 milje në veri të Perthit. Shkencëtarët thonë se zbulimi do t`i ndihmojë ata të mësojnë më shumë për këtë specie e rrallë të ketij lloji si dhe të kuptojnë më mirë shpërndarjen rajonale të këtij gjitari të rrallë të oqeaneve. Balena Omura kanë një formë të strukturuar te skeletit qëi bën ato krejtësisht të dallueshme nga llojet e tjera të balenave.
Ministri i Mjedisit i Australisë Perëndimore, Albert Jakobi, ka deklaruar pas publikimit të zbulimit të balenës se:”Ky zbulim është shumë i rëndësishëm për shkencëtarët e balenave në Australinë Perëndimore, si dhe për studiues të niveleve globale, sepse nuk ka pasur shumë balena të regjistruara të kësaj specieje dhe që më deri tani dihej shumë pak për to”. /tesheshi.com/
