Në një shtëpi të largët fshati në veri të Italisë, Policia zbuloi dy fëmijë që ishin rritur plotësisht të izoluar dhe të lënë pas dore me prindërit e tyre holandezë. Rayan, tetë vjeç, dhe Noha, gjashtë vjeç, nuk ishin të regjistruar në zyrën e gjendjes civile dhe nuk kishin dokumente personale. Ata nuk kishin ndjekur kurrë shkollën dhe as nuk kishin parë një pediatër.
Zbulimi u bë kur kryetari i bashkisë së Laurianos, për shkak të përmbytjeve të fundit në rajon, lëshoi një urdhër për evakuimin e disa ndërtesave që konsideroheshin në rrezik. Policia u ngarkua me inspektimin e një shtëpie fshati të braktisur dhe atëherë ata hasën një familje që jetonte në izolim të plotë. Fëmijët mezi flisnin dhe u vu re se ata mbanin pelena. Kur mbërriti policia, një nënë 38-vjeçare dhe fëmijët e saj ndoheshin aty.
Babai, i fiksuar pas sëmundjeve
Sipas La Stampa, babai 54-vjeçar i tha Policisë se kishin mbërritur vetëm kohët e fundit në Itali dhe po mësoheshin me jetën në atë atë shtëpi. Ai pretendoi se fëmijët kishin lodra dhe furnizime shkollore të mjaftueshme. Megjithatë, Policia nuk e besoi sepse ishte e qartë se fëmijët ishin të lënë pas dore dhe plotësisht jashtë sistemit shoqëror.
Gjykata e të miturve në Torino urdhëroi menjëherë që fëmijët të ndaheshin nga prindërit e tyre. Më vonë u përcaktua se Rayan dhe Noha kishin lindur në Gjermani, por nuk ishin regjistruar kurrë në Itali.
Babai, skulptor me profesion, dyshohet se u fiksua pas sëmundjeve pas pandemisë. Gjatë izolimit, ai zhvilloi një frikë të fortë nga viruset dhe një besim se dikush në një laborator po zhvillonte qëllimisht viruse të reja për të “kontaminuar botën”. Fëmijët tani janë nën kujdesin e shërbimit italian të mbrojtjes së fëmijëve. /tesheshi.com/
