Një avion spiun rus ka fluturuar mbi ndërtesa të shumta federale në Uashington DC në një lartësi të ulët të mërkurën pasdite, ka njoftuar CNN.
Aeroplani spiun i Forcave Ajrore ruse, Tupolev Tu-154M ka fluturuar mbi Capitol-in në SHBA, Pentagonin, mbi bazën ushtarake Andrews, CIA-n, Camp David, si dhe mbi një bunker sekret të qeverisë të quajtur Mount Weather, shpjegon CNN.
Megjithatë fluturimi thuhet se ka qënë tërësisht ligjor dhe në përputhje me Traktatin e vitit 1992 për “Qiej të hapur”, i cili lejon vendet që janë pjesë e marrëveshjes për vëzhgimin në vendet e tjera anëtare nga ajri, ka raportuar Politiko, duke cituar Departamentin e Shtetit.
Gjatë 15 viteve të fundit, SHBA dhe Rusia kanë bërë rreth 165 herë fluturime të kombinuara, tha Politico.
Aeroplani spiun rus, një Tupolev Tu-154M, që është i ngjashëm me avion civil, fluturoi në rreth 3,700 këmbë lartësi dhe ka aftësinë për të bërë fotografi ajrore nëpërmjet imazherisë termike, dhe mund të ketë mblidhur edhe informacione zbulimi, tha CNN.
Ky fluturim është bërë në një kohë kur marrëdhëniet midis SHBA dhe Rusisë vazhdojnë të përkeqësohen. SHBA kohët e fundit aprovoi një raund tjetër sanksionesh mbi Rusinë për aneksimin e Krimesë dhe përzierjen në zgjedhjet presidenciale të vitit 2016.
Kremlini më vonë iu përgjigj sanksioneve duke dëbuar 755 diplomatë amerikanë dhe madje duke i mbyllur ato në një ndërtesë ambasade para se të merrnin sendet e tyre. Sipas CNN, i njëjti aeroplan gështë planifikuar të fluturojë rreth vendit ku Trump po udhëton në Bedminster, NJ, midis orës 17 dhe 18, sipas orës lokale. /tesheshi.com/
