Pas zgjedhjeve të Dibrës çështja e drogës ka vazhduar të debatohet në Parlamentin shqiptar, ku ish-ministri i Brendshëm, Flamur Noka, deputet i PD-së ka lajmëruar se pranë Durrësit është rrëzuar një avion me drogë.
“Në Durrës sapo ka rënë një avion me hashash. Kryeministri thotë se nuk ka drogë. Provat janë tani në Durrës, ikni shikojini”, u ka thënë Noka deputetëve.
Policia është përgjigjur paraprakisht duke thënë se një avion është ulur mes Laçit dhe Krujës, në grykëderdhjen e Ishmit, në fshatin Godo.
Sipas burimeve policore, avioni është ulur për shkak të një defekti dhe nuk rezulton të ketë qenë me drogë në bord.
Megjithatë, uniformat blu po kryejnë verifikimet dhe veprimet proceduriale.
Piloti, një 71-vjeçar ka dëshmur para policisë së ka qenë i detyruar të ulte avionin, pasi kishte pësuar një avari.
“Unë isha duke bërë xhiro mbi det” ka thënë piloti për policinë, në kohën që sipas tij ka konstatuar edhe defektin që e ka detyruar të bëjë ulje urgjente.
/tesheshi.com/
