Asociacioni Ndërkombëtar i Gazetarëve shqiptarë në Zvicër dhe Europë, AIJASE, ka bërë të ditur sot se shkrimet dhe fotot e botuara nga disa protale në Shqipëri dhe Kosovë mbi të ashtuquajturën heqje të kufomave të tragjedisë së Mekës me fadroma, janë një spekulim kokë e këmbë.
Ky asocacion bën të ditur se asnjë agjenci apo gazetë botërore nuk ka transmetuar fotot të tilla dhe, nga kontaktet me ambasada të vendeve të Lindjes së Mesme dhe me haxhinj shqiptarë që marrin pjesë në pelegrinazhiin e përvitshëm, bëhet e qartë se çdo gjë e shkruar dhe e transmetuar është një spekullim dhe pa asnjë përputhje me realitetin.
Siç thekon AIJASE, këto lajme jepen në një kohë kur edhe kryeministri i Shqipërisë Edi Rama, deklaroi në fjalimin e tij në OKB, se Shqipëria është vend i tolerancës dhe bashkëjetesës fetare, duke i shërbyer kështu acarimit dhe polarizmit të dëmshëm të shoqërisë.
Ky asocacion bën apel dhe kritikon heshtjen e shoqatave të gazetarëve në Shqipëri e Kosovë që duhet të dalin kundër lajmeve që përcjellin të pavërteta dhe ndikojnë në helmimin e situatës.
AIJASE thekson se gjurmët e fotove dhe shkrimit, protalet shqiptare i kanë huazuar nga një portal joserioz si një vveb faqe anti-islame (http://tundratabloids.com/) i njohur që vuan nga kompleksi i islamofobisë.
Duhet thënë se këto foto nuk janë transmetuar në asnjë media serioze ndërkombëtare madje as nga ato media sioniste antiislame. /tesheshi.com/
