Presidenti i Këshillit të Kishës Protestante Gjermane, Heinrich Bedford-Strohm, mori disa kërcënime me vdekje pasi kisha njoftoi blerjen e anijes së vet që do të shpëtonte ato të migrantëve në të ashtuquajturat “Itinerari mesdhetar”, raportuan media gjermane të shtunën.
“Kam marrë kërcënime me vdekje nga përfshirja ime në punën e shpëtimit të refugjatëve”, tha Bedford-Strohm në një intervistë me numrin e së shtunës në Augsburger Allgemeine.
Ai tha se nuk i “merrte kërcënimet shumë seriozisht” por i raportoi ato në polici në mënyrë që çdo rast i tillë të regjistrohej.
Presidenti i Këshillit të Kishës Protestante Gjermane, i cili përfaqëson disa kisha luterane dhe ungjillore në Gjermani, ka mohuar pretendimet se kisha e ka ndërmarrë këtë veprim për publicitet.
“Ky veprim nuk ka lidhje me aktivizmin politik”, tha Bedford-Strohm, duke sqaruar se Ministri i Brendshëm Horst Seehofer gjithashtu u zotua të shpëtojë migrantë në brigjet në Mesdhe.
“Unë e mbështes plotësisht atë në përpjekjen e tij për të marrë mbështetjen e vendeve të tjera anëtare të BE-së për veprimin e shpëtimit. Por ne nuk duhet të ulemi, të mos bëjmë asgjë dhe të presim deri sa Evropa të bie dakord. Ne duhet të veprojmë menjëherë”, tha Bedford-Strohm.
Disa javë më parë, Kisha Protestante Gjermane njoftoi planet për të blerë anijen e saj, meqëllimin për të shpëtuar anijet me migrantë në Mesdhe.
Sipas Bedford-Strohm, planet për të marrë dhe regjistruar anijen po “përparojnë mirë”. /tesheshi.com/
