Ministri i Brendshëm francez Gerald Darmanin, i njohur për qëndrimet e tij kontraverse në lidhje me Islamin, tha për udhëheqësen e partisë së djathtë ekstreme franceze Fronti Kombëtar, Marine Le Pen, se ajo “nuk ishte mjaftueshmërisht anti-islamiste”.
“Padyshim që ju jeni gati të mos miratoni ligje mbi fetë dhe të thoni që Islami nuk është problem. Po e ekzagjeroni. Votuesit tuaj do të zhgënjehen,” tha Darmanin gjatë një prononcimi në kanalin televiziv francez Kanal2.
Duke iu drejtuar Le Pen, Darmanin pretendoi duke thënë se “ka një devijim sektar në Islam” dhe iu drejtua Le Pen: “Unë jam më i mprehtë (kundër Islamit) se ti”.
Le Pen iu përgjigj Darmanin, duke thënë se ai nuk kishte ndërmend të sulmonte fetë e tjera, përfshirë dhe Islamin.
“Jam shumë e përkushtuar ndaj vlerave franceze, ndaj dua të mbroj plotësisht lirinë e fesë,” tha Le Pen.
Akuzat e Darmanin kundër Le Pen u bënë gjithashtu një temë diskutimi në rrjetet sociale, ku në një nga komentet në Tëitter shkruhej: “Edhe partitë e ekstremit të djathtë nuk janë aq islamofobe sa masat e qeverisë franceze”. /tesheshi.com/
