Të mërkurën, në kuadër të javës së 16-të të kampionatit francez, në Parc des Princes, PSG mezi mposhti me rezultat 2:1 skuadrën e dytë të ligës, Strasburgun.
Ndeshja u shënua nga Neymar, i cili në më pak se një minutë fitoi dy kartonë të verdhë, si pasojë një përjashtim me të kuq. Mediat franceze po spekulojnë për arsyen e sjelljes së tij.
Dy kartonët e verdhë i morri në më pak se një minutë. Fillimisht, në minutën e 61-të, ai goditi me dorë një kundërshtar në fytyrë dhe gjyqtari Clement Turpin e regjistroi për herë të parë në bllokun e tij.
Dhe vetëm një minutë më vonë, Neymar u fut në zonën e rreptësisë së kundërshtarëve, duke u rrëzuar simulativisht, për çka mori kartonin e dytë të verdhë.
Me kartonin e kuq, Neymar pësoi një pezullim automatik me një ndeshje, që do të thotë se ai nuk do të mund të luajë në ndeshjen e radhës të ligës, e cila bie në ditën e Vitit të Ri, 1 janar
2023.
PSG do të luajë jashtë në Lens, por pa Neymar dhe mediat franceze zbulojnë “planin e tij djallëzor”.
Përkatësisht, Neymar thuhet se po planifikon ta festojë Vitin e Ri në vendlindjen e tij. Bëhet e ditur se atij nuk do i mungojë këtë viti festimi i Vitit të Ri në Rio de Zhaneiro, i cili është ndër më të mëdhenjtë në botë.
Pikërisht në mesnatë, miliona njerëz në plazhe, të veshur me të bardha, hedhin lule në det, pasuar nga një festë e madhe në pritjen e Vitit të Ri. /tesheshi.com/
