Kreu demokrat Basha ka bërë një akt të paprecedentë në politikën shqiptare në raportet me SHBA, pasi ka refuzuar ftesën e ambasadores Yuri Kim për të qenë prezent në ceremoninë e prezantimit të “Defender 21” në Tiranë, stërvitja e madhe ushtarake e NATO-s në Shqipëri, ku marrin pjesë dhe shumë trupa amerikane.
Sipas VOA-s, Basha nuk i është përgjigjur ftesës së Yuri Kim.
“Mësohet se ambasadorja Kim kishte kërkuar që në ceremoninë e sotme të ftoheshin Presidenti i Republikës Ilir Meta dhe Kryetari i Partisë Demokratike, Lulzim Basha.
Zoti Basha nuk ishte në këtë ceremoni, ndërsa presidenti Meta mori pjesë dhe mbajti një fjalë përshëndetëse”, shkruan Zëri i Amerikës.
Vjen ky zhvillim ndërsa SHBA ka shpallur “non grata” Berishën, duke i dhënë një goditje edhe PD-së me këtë akt. /tesheshi.com/
