Makina që shoqëronte gjyqtaren Irena Gjoka, e cila pritet vendosë të martë për Berishën, në burg qelie apo shtëpie, u godit nga pas mbrëmë vonë, nga një automjet policie, ngjarje e ndodhur në zonën e Selitës. Ajo po eskortohej nga një automjet i Gardës, rrugës për në shtëpi, por nuk ka të dhëna që mund të bëhet fjalë për ndonjë incident me natyrë kriminale. Deri më tani ëshët fjala vetëm për një koiçidencë rrethanash.
Në dëshminë e dhënë, polici si autor i përplasje është shprehur se humbi kontrollin për shkak të shiut. Megjithatë thuhet se ai po udhëtonte me shpejtësi tej normave të lejuara.
Fatmirësisht, asnjë person nuk është lënduar nga ky aksident-incident.
Një muaj më parë, Garda e Republikës shtoi masat e sigurisë fizike për gjyqtaren antikorrupsion, Irena Gjoka, të cilës nga katër truproja iu vendosën gjashtë, edhe në banesë.
Shtimi i sigurisë ndodhi mbas sulmeve verbal ndaj gjyqtares, pas vendimit të datës 20 tetor, ku vendosi detyrim paraqitje për ish-kryeministrin Sali Berisha dhe arrest me burg për dhëndërin e tij Jamarbër Malltezin. /tesheshi.com/
