Dje u mbush një muaj nga agresionin rus ndaj Ukrainës, i cili filloi në mëngjesin e hershëm të 24 shkurtit pas një urdhëri të Putinit.
Kryediplomati i BE-së, Josep Borrell u bëri thirrje 27 vendeve të BE-së që të vazhdojnë armatosjen e ushtrisë ukrainase sepse “gjithçka do të vendoset në 15 ditët e ardhshme”.
“Rezistenca ukrainase është e jashtëzakonshme. Ushtria ruse nuk po arrin të depërtojë më shumë se 200 kilometra nga bazat e saj logjistike dhe ka humbur shumë ushtarë dhe tanke, të cilat ne mund t’i shohim përmes satelitit”, tha 74-vjeçari Borrell tha në një intervistë për televizionin publik spanjoll TVE.
I pyetur nëse vendet e treta duhet të vazhdojnë të dërgojnë armë në ushtrinë ukrainase për të vazhduar suksesin e saj të shpresuar, Borrell u përgjigj: “Kjo është gjëja më e rëndësishme. Sepse gjithçka do të vendoset në 15 ditët e ardhshme.”
I pyetur për të shpjeguar këtë lloj afati specifik, ai shtoi se “dua të them se nuk do të jetë brenda 24 orëve”.
“Rezistenca do të vazhdojë për aq kohë sa të jetë e nevojshme, por qëllimi i pushtimit rus ka dështuar”, tha ish-ministri i Jashtëm spanjoll, sot ministër i Jashtëm europian.
Borrell tha se rusët kishin humbur një të tretën e trupave të tyre në muajin e kaluar. /tesheshi.com/
