Një vit më parë, në “Ditën e Rinisë”, do jepte shpirt një i ri, nga një plumb policor në mesnatë dhe në terr të natës, Klodian Rasha, 25 vjeç. Nga kjo ngjarjë dha dorëheqje ministri i Rendit Sandër Lleshaj, pasi pati dhe një reagim e presion të fortë publik.
Familja Rasha me origjinë nga Dibra, gjithsesi u tregua e përmbajtur dhe priti në shtëpi, jo njëherë por disa herë, edhe përfaqësues nga mazhoranca, vetë kryeminitrin Rama, duke i besuar kështu ndjesës shtetërore dhe drejtësisë shtetërore gjithashtu.
Por një vit më pas, i ati Qazim Rasha, kërkon nga shteti t’ia zgjidhë një tjetër padrëjtësi, e rëndë sa ikja e të birit, kompromentimin e tij në gjendje të pajetë.
“Të tilla tragjedi të mos ketë asnjë familje asnjë qenie njerëzore. Dua të shpreh mirënjohje për secilin që ka shprehur interes për familjen time. Besoj se nuk ka specie në botë që të imagjinojë që në 2021 një nënë një baba, aq më tepër një malësor si puna ime, të luajë apo të imagjinojë të shesë apo të blejë gjakun e fëmijës së vetë.
Ky nuk është faji im është faji i asaj qenie që mund ti shkojë ndërmend.
Në shtëpinë time kam pritur e kam përcjellë numër të madh njerëzish, jam mirënjohës për secilin, qoftë qytetar apo pushtetar. Shteti e ka për detyrë atë që se ka bërë deri tani ta bëjë.
Më esencialja që kërkoj është zbardhjen e inkriminimit që persona të caktuar apo segmente të caktuar u munduan që fëmijën ta përbaltin, ta inkriminojnë dhe të arrijnë deri aty sa të vënë armën që fëmija të bëhet kriminel.
Sot është momenti që ia kërkoj shtetit që përbaltjen e djalit, vendosjen e armës bën mirë që shteti ta gjejë personin sa unë nuk kam vendosur ta gjej vetë”, tha Qazim Rasha.
Ç’ndodhi atë natë!
Klodian Rasha kishte dalë jashtë orës policore mesnatën e 7 dhjetorit duke u gdhirë 8. Ai u konstatua nga një patrullë e Policisë dhe në ndjekje u qëlloi në një rrugicë në terr.
Ai që shkreu armën pretendoi se 25-vjeçari i kishte drejtuar një send të fortë, në dukje pistoletë, ndaj u kundërpërgjigj. Por hetimet konkluduan se jetëhumburi nuk kishte asnjë send apo armë me vete. /tesheshi.com/
