Një 104-vjeçare italiane ishte duke vozitur në mes të natës me patentë të skaduar dhe pa sigurim, kur vendosi të “vizitonte miqtë” pranë Ferrarës, tha policia italiane.
Ishte ora 1 e mëngjesit të dielën deri të hënën kur karabinierët morën një telefonatë për ngarje të rrezikshme në qendër të Bodenos, një komunitet prej 13,000 banorësh në Emilia Romana. Patrulla e mbërritur në vendngjarje ka lokalizuar me shpejtësi makinën në fjalë. Surpriza e karabinierëve ishte e madhe kur zbuluan datën e lindjes së njeriut në timon: 1920, pra ishte 104 vjeçe, por ende në gjendje të ulej në timon dhe të shkonte në Bodeno për të parë miqtë e saj.
Për shkak të orës së vonë, Giuseppina Molinari, e cila drejtonte makinën edhe pse i kishte skaduar patenta dy vite më parë, “ishte e çorientuar dhe vazhdonte të kalonte të njëjtat rrugë”.
“Adesso uso la bici, ma voglio prendere un motorino, per non rinunciare alla mia indipendenza”. È lo spirito di Giuseppina Molinari, 103 anni, che vive a Vigarano Pieve (FE) rimasta senza auto da quando è stata fermata di notte dai carabinieri con la patente scaduta #IoSeguoTgr pic.twitter.com/hkujwVVETd
— Tgr Rai ER (@TgrRaiER) March 13, 2024
Në Itali, pas moshës 80 vjeç, shoferët duhet të vizitohen te mjeku çdo dy vjet për të rinovuar patentën. Karabinierët i dhanë vetëm një qortim verbal mbi njëqindvjeçares dhe e shoqëruan në shtëpi. Megjithatë, ajo nuk është aspak e gatshme të qëndrojë në shtëpi, pavarësisht aventurës së saj: “Do të blej një vespa ose një skuter”, tha Giuseppina, duke folur për gazetën lokale La Nuova Ferrara. Ndërkohë qarkullon me biçikletë.
Historia e plakës dinamike shkaktoi admirimin e kryebashkiakut të Ferrarës, Alan Fabbri, i cili vjen nga Bodeno: “Unë do t’i jepja një medalje në vend të një gjobe (…) Të kesh një forcë të tillë të brendshme nuk është e zakonshme dhe më jep shprese për pleqërinë time”, ka shkruar ai në faqen e tij në Facebook. /tesheshi.com/
