Anëtari i Kryesisë së AAK-së, Muharrem Nitaj, përmes një postimi në Facebook, i është kundërpërgjigjur kryeministrit Isa Mustafa, i cili kishte thënë se edhe AAK, tani po e kundërshton Asociacionin e Komunave Serbe, e më herët e kishte votuar në Kuvend.
Nitaj ka theksuar se kryeministri Mustafa nuk është i sinqertë kur flet për votimin e Asociacionit. Ai e din shumë mirë se çka ka është votuar në Kuvend e çka ka nënshkruar ai.
AAK nuk ka votuar që Asociacioni me qenë titullar i pronave në Kosovë. Nuk ka votuar që Asociacioni me propozu komandantët e policisë. Nuk është votuar që Asociacioni me qenë palë përfaqësuese në sistemin gjyqësor duke përfshirë edhe Gjykatën Kushtetuese. Nuk është votuar që punonjësit i Asociacionit me qenë shërbyes civilë, ka thënë Nitaj.
Të gjitha këto janë zbulim i Kryeministrit dhe ai duhet të japë sqarime për nënshkrimin e tij e jo tu thotë qytetarëve kujdes çka po nënshkruani. Deputetët e AAK-së kanë votuar për një Asociacion tjetër e jo për këtë që e ka nënshkruar zoti Kryeministër, ka shkruar Nitaj./tesheshi.com/
