Viti 2025 nisi si mos më keq për Malin e Zi. Dymbëdhjetë persona u shuan në ditën e parë të këtij viti të ri në fqinjin verior të Shqipërisë, vrarë nga një person në gjendje të dehur.
Kjo gjëmë ndodhi në Cetinje.
Autori, Aco Martinoviç, e nisi masakrën në një tavernë dhe më pas vijoi më tutje me aktin e tij të përgjakshëm.
Ai ka vrarë pronarin e tavernës dhe më pas edhe dy fëmijët e tij, për ta shkaktuar viktima dhe në katër lokacione të ndryshme.
Kryeminsitri Millojko Spajic, tha në një deklaratë, pas shpalli tre ditë zie, se në “seancën e Këshillit të Sigurisë Kombëtare do të shqyrtojmë urgjentisht të gjitha opsionet, përfshirë ndalimin e plotë të armëmbajtjes. Armët nuk duhet të jenë në rrugë dhe në duart e atyre që mund të dëmtojnë të tjerët”.
Pas vrasjeve të shumta, autori ka qëlluar veten në kokë dhe ka ndërruar jetë rrugës për në spital. Ministri i Brendshëm malazez Danilo Sharanoviç deklaroi se do të merren masa të forta pas kësaj ngjarjeje.
“Të jeni të sigurt se qeveria e Malit të Zi do të prezantojë një plan masash emergjente nga nesër, sepse si shoqëri nuk duhet të lejojmë që individët të marrin jetën jo vetëm të njerëzve të tjerë, por edhe të familjarëve të tyre në mënyrë kaq brutale”, tha.
“Motivi i vrasjeve nuk dihet, ndërsa viktimat ishin miqtë e tij”, tha ai. /tesheshi.com/
