Sot në mëngjes turqit filluan të hedhin votat e tyre për të zgjedhur 550 deputetë përfaqësues në zgjedhjet legjislative. Vendi i kthyer vendin nga sistemi parlamentar ne atë presidencial, jeton mes shpresave për një fitoren e rradhës të Partisë për Drejtësi dhe Zhvillim, e cila qeveris vendin që nga viti 2002.
Komisioni Lartë zgjedhor njoftoi se institucionet turke bashkë me popullin e saj janë gati për mbajtjen e zgjedhjeve legjislative të 25-ta të historisë së kësaj Republike dhe për të pritur votuesit që janë më shumë se 53 milionë njerëz që jetojnë brenda vendit dhe mëse tre milionë që jetojnë jashtë saj.
Votimi bëhet nëpërmjet 174.000 kutiash votimi, i shpërndarë në mbi 81 rajone. Procesi ka nisur në orën 8 të mëngjesit dhe pritet të zgjasë deri në orën 05:00 të masdites të ditës së sotme i shoqëruar me masa të rrepta sigurie.
Ditën e djeshme vendi kishte hyrë në heshtje zgjedhore si fazë përgatitore për procesin e votimit në të cilën konkurrojnë gati njëzet partitë më të rëndësishme të vendit. Ndër më kryesoret janë Partia për Drejtësi dhe Zhvillim (AK Parti), Lëvizja popullore Republikane dhe lëvizja nacional-popullore demokratike e cila përfaqëson kurdët.
Sondazhet paraprake tregojnë për një përparim të dukshëm të Partisë për Drejtësi dhe Zhvillim (AKP) –e udhëhequr nga kryeministri aktual Ahmed Davutoglu – ku del se kjo parti pritet të jetë fituese me një marzh që varion nga 43% në 48% të votave, ndërsa norma e pritur e Partisë së saj më të afërt rivale popullore republikane varion mes 24 % dhe 27%.
Dështimi i Partisë Nacional-Popullore Demokratike, e udhëhequr nga Salahudin Damratash për të kapërcyer 10% e nevojshme që duhet për të hyrë në parlament, është një oportunitet i madh për Partinë për Drejtësi dhe Zhvillim, e cila pritet të korr pjesën më të madhe të votave të kësaj partije.
Nëse Partia për Drejtësi dhe Zhvillim fiton me një shumicë të madhe parlamentare, atëherë do ta ketë të lehtë miratimin e amendamenteve kushtetuese që synojnë ta kthejnë Turqinë nga një sistem parlamentar në një sistem presidencial, çka i zgjeron kompetencat e tanishme të Presidentit Rexhep Tajip Erdogan.
Miratimi i këtyre ndryshimeve në Parlament pa përdorur referendumin, ka nevojë për mbështetjen e 367 deputetëve. /tesheshi.com/
