Deri tani kanë dalë vetëm Artan Gaçi, Piro Lutaj dhe Valentina Leskaj, por në orët në vazhdim pritet të ketë edhe të tjerë, të cilët të zemëruar nuk kanë pranuar që të dalin publikisht e të bëjnë si të lumtur që më në fund po “çlirohen” nga politika që pu u zinte frymën.
Janë “viktimat” e para dhe të lumtura të Edi Ramës që nuk do të kandidojnë për deputet në zgjedhjet e 18 qershorit.
Nënkryetarja e Kuvendit, Valentina Leskaj, doli para pak orësh dhe shpalli largimin nga politia aktive për t’jua lënë vendin të rinjve, por për nënkryetaren e Parlamentit është bërë gati posti i ambasadores në Bashkimin Europian, pas mbarimit të mandatit të diplomates aktuale, Suela Janana.
Ndërkohë, Artan Gaçi, i cili ka grua ministren dhe deputeten Olta Xhaçka pritet të emërohet ambassador në Itali, ndërkohë që diplomatja aktuale në Romë pritet të lëvizë në një vend tjetër europian.
Viktima më e fundit socialiste ka “rënë” në Fier, pasi nuk është kandiduar deputeti veteran Piro Lutaj, i cili prej vitit 2005 nuk është ndarë nga Parlamenti duke u zgjedhur në Mallakastër. Lutaj ka ardhur në Kuvend nga një eksperiencë në menaxhimin e burgjeve në zonën e Fierit.
Lutaj doli publikisht gjithashtu duke thënë se do të largohet ngaqë kishte vite shumë në politikë e donte të hapte rrugë. Ta kenë bërë me dëshirë? /tesheshi.com/
