SHBA ka vendosur sanksione ndaj disa ministrive turke dhe zyrtarëve të lartë të qeverisë, në përgjigje të ofensivës ushtarake në veri të Sirisë.
“Presidenti amerikan Donald Trump telefonoi homologun e tij turk Rexhep Tajip Erdogan për të kërkuar armëpushim të menjëhershëm”, tha nënkryetari Mike Pence.
Pence tha se ai do të udhëtojë në rajon “sa më shpejt të jetë e mundur”.
Vendimi vjen pas kritikave për tërheqjen e trupave amerikane nga rajoni, që disa thonë se i dha Turqisë një “dritë jeshile”.
Ofensiva turke, e cila filloi javën e kaluar, synon të largoj Forcat Demokratike Siriane (SDF) të udhëhequra nga kurdët nga rajoni kufitar.
Turqia e konsideron milicinë e SDF si një organizatë terroriste.
Forcat turke gjithashtu duan të vendosin atë që qeveria e përshkruan si një “zonë sigurie” për të kthyer në shtëpi afro dy milion refugjatë sirianë që aktualisht ndodhen në Turqi. /tesheshi.com/
