Në Formula 1 po afrohet nisja e sezonit të ri, dhe, si gjithmonë, paraprirëse janë provat që bëjnë skuadrat me makinat e reja.
Thuajse një muaj përpara garës së parë, dje ka qenë dita e parë e provave, të cilat zhvillohen në Barcelonë.
Mercedes dhe Ferrari janë dy skuadrat që kanë bërë paraqitjet më të mira, ndërsa britaniku Hamilton ka qenë më i shpejti.
Njëvendëshet Mercedes kanë bërë 152 xhiro me të dy pilotët. Koha e Hamilton-it do të ishte 0.113 sekonda më e shpejtë se e Vettel-it. Bottas, i ardhur këtë sezon te Mercedes-i për të zëvendësuar Nico Rosberg-un e tërhequr, qe i gjashti me kohën e tij.
Red Bull dhe McLaren u detyruan të bëjnë më pak xhiro për shkak të problemeve të makinave të tyre me besueshmërinë.
Kohë të mira regjistruan dhe Felipe Massa e Kevin Magnussen.
Sot janë në zhvillim e sipër provat e ditës së dytë në Barcelonë. /tesheshi.com/
