Lojërat e 4-ta të Solidaritetit Islam do të nisin sot në kryeqytetin e Azerbajxhanit me një ceremoni në stadiumin olimpik.
Sportistë nga 54 vende do të garojnë në këto lojëra që fillojnë sot e përfundojnë pas dhjetë ditësh.
Më shumë se 3.000 sportistë kanë për t’i matur forcat në 20 sporte, në 17 terrene sportive. Numri i disiplinave në këto sporte është 23, ndërkohë që aktivitetet e futbollit, volejbollit dhe hendbollit kanë nisur ditë më parë.
Ministri azerbajxhanas i Rinisë dhe Sportive i cilësoi Lojërat e Solidaritetit Islam që nisin këtë të premte si demonstrim i paqes dhe unitetit.
Tre vende që do të mungojnë në këto Lojëra janë Sudani, Libia dhe Kuvajti. Vendi organizator përfaqësohet me një numër të madh sportistësh, 500 të tillë.
Ndërkaq, 25 sportistë të Gazës nuk janë lejuar nga Izraeli që të marrin pjesë në këtë aktivitet të përmasave të mëdha. Ekipi kombëtar i Palestinës përfaqësohet në Lojërat e Solidaritetit Islam me 105 sportistë, çereku i të cilëve do ta kenë të pamundur të marrin pjesë për shkak të bllokadës izraelite.
Kjo veprimtari u zhvillua për herë të parë në Arabinë Saudite në vitin 2005. /tesheshi.com/
