Ministri egjiptian i Antikiteteve, Khaled el-Anany zbuloi dhjetëra arkivole antikë në një nekropol të madh në jug të Kajros, zbuluar së fundi.
Ai tha se të paktën 59 sarkofagë të mbyllur u gjetën, me mumiet në shumicën e tyre, të cilat ishin varrosur në tre puse më shumë se 2,600 vjet më parë, raporton AP.
Anany iu drejtua gazetarëve përpara piramidës së famshme Djoser në Saqqara, ku u gjetën arkivolet.
U treguan sarkofagët dhe njëri prej tyre u hap para gazetarëve, të cilëve u ishte treguar mumja brenda.
Disa diplomatë të huaj morën pjesë në ceremoni.
Ka të paktën 11 piramida në Pllajën e Saqqara, duke përfshirë piramidën e shkallëzuar të Djoser, së bashku me qindra varre antike që datojnë nga dinastia e I-rë (2920-2770 para Krishtit) deri në periudhën Koptike (395-642 Pas Krishtit).
Mediat raportojnë se më shumë zbulime priten në muajt e ardhshëm. /tesheshi.com/
