Presidenti Bujar Nishani njoftoi mbajtjen e një konference për mediat, të palajmëruar më herët, edhe pse nuk jepen detaje se për çfarë pritet të flasë kreu i shtetit pasditen e kësaj të diele.
Megjithatë, duket qartë se vonesa në dekretimin e ministrave të rinj të qeverisë, pas ndryshimeve që ndërmori kryeministri Rama, pak kohë më parë, pritet të jetë argumenti që do të trajtojë presidenti në konferencën për mediat.
Thuhet se Nishani nuk do ta dekretojë ministrin e ri të Brendshëm, Fatmir Xhafaj, ndërsa opozita e ka kthyer në kauzë moslejimin e tij në krye të dikasterit. Sipas opozitës, Xhafaj ka qenë hetues i kohës së komunizmit dhe nuk mund të jetë në atë pozicion. /tesheshi.com/
