Presidenti i republikës, Bujar Nishani, i ka mbledhur partitë shqiptare në Mal të Zi dhe u ka kërkuar që të bashkohen e të marrin iniciativa të përbashkëta për të përmirësuar statusin e tyre.
Në një takim joformal të zhvilluar në një hotel buzë detit në Durrës, kreu i shtetit shqiptar është angazhuar që të jetë katalizatori i një bashkimi të partive shqiptare të përçara në Mal të Zi, çka po rrezikon edhe humbjen e komunës së Ulqinit.
Nishani ka theksuar rëndësinë që ka për shqiptarët anëtarësimi i Malit të Zi në NATO, marrëdhëniet e mira ndërshtetërore, dhe ka premtuar angazhim të Shqipërisë në përmirësimin e statusit aktual të shqiptarëve, i cili nuk është në nivelin e kënaqshëm.
Nisma më e fundit e partive shqiptare në Mal të Zi është ndryshimi i ligjit zgjedhor, i cili është tejet diskriminues ndaj tyre. /tesheshi.com/
