Kreu i shtetit, Bujar Nishani është treguar politikisht korrekt duke dekretuar një ligj të ardhur nga mazhoranca, por që u votua me konsenus të plotë në parlament: atë të Prokurorinë Speciale, SPAK, e cila është pjesë e reformës në drejtësi.
Konsiderohet “politikisht korrekt” dekretimi i këtij ligji pasi duke ndjekur trendin e ligjeve të kthyera nga Presidenca, pothuajse janë të gjitha ato të cilat janë kundërshtuar nga opozita, nga radhët e së cilës vjen Nishani. Por ky ligj kishte dhe votën e saj.
Ditë më parë, kreu i shtetit ktheu ligjin për riciklimin e mbetjeve, kërkuar me forcë dhe nga AKIP, Aleanca Kundër Importit të Plehrave, që arriti të realizojë një takim me të. Por Nishani priti edhe përfaqsues të Industrisë së Riciklimit dhe në fund vendosi për “Jo”, duke qenë njëherësh edhe në një gjatësi vale me opozitën. /tesheshi.com/
