President i Republikës së Shqipërisë zoti Bujar Nishani, ka dhënë mbështetjen e tij për ‘’operacionin stuhi’’ që kanë ndërmarrë disa shtete të gjirit kundra grushtit të shtetit të realizuar në Jemen nga Huthitë.
Presidenti Nishani u shpreh se mbështet legjitimitetin e qeverisë jemenase të rrëzuar nga këta të fundit.
Po ashtu ai shprehu falënderimet e tij të thellë dhe mirënjohjen për qeverinë e Arabisë saudite në mbështetjen e tyre të vazhdueshme ndaj Republikës së Shqipërisë në aspekte të ndryshme të zhvillimit duke u treguar i gatshëm për bashkëpunim të mëtejshëm në fusha të ndryshme që i shërbejnë interesave të të dy vendeve dhe popujve miq.
Kjo deklaratë e presidentit Nishani erdhi gjatë një takimi në ditën e djeshme në Tiranë, me një delegacion të ‘’komitetit të miqësisë parlamentare shqiptaro-saudite’’ e cila po viziton Shqipërinë aktualisht e përfaqësuar nga zëvendës Kryetar i Komitetit, Dr. Zuhair bin Fahd Al-Harthy./tesheshi.com/
