Presidenti i Republikës, Bujar Nishani, ka nderuar sakrificën e luftëtarëve dhe atdhetarëve kosovarë, ndërsa zhvilloi homazhe si dhe vendosi kurora me lule mbi varrin e presidentit Ibrahim Rugova, në memorialin e Adem Jasharit si dhe shtatoren e komandantit Zahir Pajaziti.
Nishani vendosi kurora me lule edhe pranë monumentit të Lirisë në Raçak. “Masakra e Raçakut, tha kreu i Shtetit, i tregoi botës dhe sensibilizoi opinionin ndërkombëtar për krimet që po kryente Serbia mbi popullsinë dhe qytetarët e thjeshtë të Kosovës.
Raçaku duhet të jetë një vend pelegrinazhi për të gjithë shqiptarët kudo që janë”, tha ai pas përfundimit të homazheve.
Kreu i Shtetit u ndal edhe në familjen Haradinaj ku vlerësoi me dekoratën Nderi i Kombit heronjtë Luan dhe Shkëlzen Haradinaj. /tesheshi.com/
