Presidenti, Hashim Thaçi, ka pritur në takim, homologun e tij shqiptar, Bujar Nishani, me ç’rast i ka ndarë mirënjohjen “Urdhëri i lirisë” nga Kosova.
Thaçi ka vlerësuar punën e Nishanit për popullin shqiptar dhe angazhimin e tij për njohjen e Kosovës, si dhe anëtarësimin në organizata të ndryshme.
Ndërkaq, Nishani tha se ndihet i nderuar dhe se askush më shumë se Kosova dhe populli i saj nuk e kanë adresuar në mënyrë më dinjitoze misionin e lirisë.
“Nuk e di nëse e meritoj plotësisht vlerësimin tuaj dhe të Kosovës, por një gjë dua t’ju them: që gjithë jetën time kam besuar dhe vazhdoj të besoj fort se liria është misioni më i madh dhe më i pazëvendësueshëm për njeriun, për një popull, për një komb dhe për të gjithë njerëzimin”, tha Nishani. /tesheshi.com/
