Presidenti i Republikës, Bujar Nishani nuk e dekreton në mënyrë demonstrative dhe e rikthen për rishqyrtim ligjin e mbetjeve, duke akuzuar qeverinë se nuk ka dëgjuar qytetarët.
Në një argumentim të gjatë, në dekretin e tij të kthimit, kreu i shtetit thekson se ky ligj num mund të miratohet për disa arsye dhe thekson se duhet të ketë referendum që qytetarët të shprehen.
“Në kushtet që pas tre viteve nuk konsiderohet zëri i publikut dhe çbëhet ajo që u arrit nga ligjvënësi pas përfshirjes së publikut në vendimmarrje në vitin 2013 është në kundërshtim me çdo standart të vendosur nga Kushtetuta e Shqipërisë dhe Konventa e Aarhus-it e detyrueshme për R.SH-së.
Është e drejta e publikut të përfshihet në një vendimmarrje kaq të rëndësishme sa ç’është ajo e importit të mbetjeve që ndikon direkt në mjedisin dhe shëndetin e qytetarëve”, theksohet ndër të tjera në dekretin e Presidentit të Republikës.
/tesheshi.com/
