Presidenti Bujar Nishani, në ceremoninë e dekorimit të futbollistëve të kombëtares me titullin “Nderi i Kombit” ka deklaruar se kombëtarja bashkon atë që politika i ka ndarë.
Ai tha se ndryshe nga politika futbolli i afron gjithnjë dhe më shumë njerëzit me njëri-tjetrin.
Nishani ka ftuar në ceremoni edhe kreun e Kuvendit Ilir Meta dhe liderin e opozitës, Lulzim Basha. Meta, në foton e kujtimit është ulur në shesh këmbëkryq.
Nishani nuk i kurseu elozhet dhe ndaj trajnerit Xhani De Biazi dhe kapitenit Lorik Cana.
“Ndihem shumë i emocionuar. Jo vetëm si sportëdashës dhe shqiptar, gjithashtu dhe si zyrtar i këtij vendi. Në cilësinë e kryetarit të shtetit u desh që të organizoj këtë ceremoni modeste, për të shprehur mirënjohjen dhe nderimin tonë ndaj kombëtares shqiptare të vendit. Falenderoj të gjithë ata që bënë të mundur këtë kualifkim historik”, tha Nishani.
Po kështu kam kënaqësini tu shpreh edhe drejtuesve të FSHF-së mirënjohje personale, duke i vlerësuar me titullin e lartë “Mjeshtër i Madh”. /tesheshi.com/
