Presidenti Bujar Nishani ka dhënë shenja se po përfshihet dhe në lojën politike të kanabisit. Kreu i shtetit ka paralajmëruar se do mbledhë Këshillin e Sigurisë Kombëtare për ta trajtuar si çështje.
“Është një fenonomen serioz, është një fenomen që ka marrë përmasa padyshim kombëtare dhe pikërisht për shkak të marrjes së këtyre përmasave dhe shqetësimit që tashmë është jo vetëm nga agjencitë ligjzbatuese dhe inteligjencës së vendit, por edhe ato partnere, unë kam vendosur që së shpejti të thërras Këshillin e Sigurisë Kombëtare për të diskutuar në lidhje me problematikat dhe mënyrën sesi ne duhet ta përballojmë këtë sfidë serioze në vendin tonë”, thuhet në një deklaratë të presidentit Nishani.
Siç dhe nuhatet, ky hap i presidentit e demonizon akoma dhe më shumë “drogën qeveritare” të denoncuar nga opozita, duke qenë në të njëjtën linjë me këtë të fundit prej dhe nga vjen si eksponent politik.
Por nga ana tjetër, karta më e fortë e qeverisë, faktori ndërkombëtar, sërish i ka dalë në mbrojtje.
Komisionieri i BE-së për Punët e Brendshme, Dimitri Avramopulos, me anë të një letre dërgar ministrit Tahiri, ku vlerësuar luftën kundër kultivimit të kanabisit, duke dhënë dhe inkurajime:
“Këto hapa dhe rezultate pozitive duhet të shoqërohen me veprime parandaluese të fuqishme dhe procese gjyqësore efektive. Komisioni inkurajoi autoritete shqiptare që të zgjerojnë sistematikisht hetimet e asteve financiare të organizatave kriminale, dhe t i shfrytëzojnë më shumë asetet e sekuestruara dhe dënimet parandaluese . Ne do të vazhdojmë ta mbështesim shqipërinë në luftë kundër kultivimit të kanabisit dhe unë ministër, i përshendes personalisht përpjekjet që keni ndërmarrë në këtë fushë, ato të personelit të zbatimit të ligjit dhe Guardia di Financas italiane. Rezultate e veprimeve tuaja do ju japin të drejtë”, thuhet në letrën e Komisionerit Avramopulos. /tesheshi.com/
