Presidenti i Republikës, Bujar Nishani, i ka kërkuar qeverisë së Edi Ramës, që të mbajë premtimet e bëra për shqiptarët e Luginës së Preshevës, gjatë kohës kur në vitin 2014 vizitoi trevat etnike që ndodhen në territorin e Serbisë.
Kreu i shtetit shqiptar, e ka dhënë deklaratën e tij, gjatë një takimi që ka zhvilluar në selinë e Presidencës me një grup nxënësish dhe mësuesish nga Lugina e Preshevës.
Nishani ka shprehur respektin dhe mirënjohjen personale, por edhe atë në emër të të gjithë qytetarëve të Shqipërisë për shqiptarët e Luginës, për gjithçka kanë arritur me punë dhe sakrifica ta ruajnë dhe ta mbajnë të pandryshuar identitetin e tyre kombëtar dhe kulturor.
Presidenti i Republikës, theksoi se “shqiptarët kudo që janë, përfaqësojnë një komb që kanë në ADN-në e tyre orientim perëndimor i cili e bën të domosdoshme përmirësimin e cilësisë së arsimit, pasi ai është thelbësor për mbrojtjen e të drejtave dhe historisë së shqiptarëve”.
Edi Rama, gjatë vizitës që zhvilloi dy vjet më parë një vizitë në qytetin e Preshevës, ku tha se “shqiparët e Preshevës duhet të kenë të njëjtat të drejta që i kanë serbët e veriut të Kosovës. Por deri tani, Beogradi nuk ka lejuar as tekstet për nxënësit e fillores që të shkojnë për shkollat e Luginës.
/tesheshi.com/
