Pas një sërë takimesh mes krerëve kryesorë të botës, duke përfshirë edhe atë ku u nënshkrua një marrëveshje të re e tregtisë midis SHBA, Kanadasë dhe Meksikës, të premten edhe zyrtarisht nisi samiti i G20 në Buenos Aires.
Presidenti argjentinas Mauricio Macri kryesoi hapjen dhe theksoi nevojën për diskutime të çlirëta.
Ai shprehu shpresë se palët e kundërta do të arrijnë konsensus në kohën e ndryshimeve të shpejta në ekonominë dhe shoqërinë botërore.
Ndërkohë, pritja për Princin saudit Mohammed bin Salman, ka qenë tejet e ngrohtë, ndryshe nga ç’përflitej, i paragjykuar për ngjarjen e bujshme të vrasjes së gazetarit Jamal Khashoggi.
Macron dhe Putin ishin mes atyre që u takuan dhe u përshëndetën me udhëheqësin saudit.
Hije në samit është anullimi i takimit nga ana e Trump me Putinin, ndërkohë që ende dy liderët nuk janë përballur me njëri-tjetrin.
Kancelarja gjermane Angela Merkel arrin më vonë të premten pasi avioni i saj kishte probleme teknike.
Tema kryesore e Samitit pritet të jetë tregtia.
G20 është një grup i vendeve që përbëjnë 20 fuqitë më të mëdha botërore, 19 shtete plus Bashkimin Evropian, dhe që përbëjnë 85 për qind të prodhimit të brendshëm bruto botëror. /tesheshi.com/
