Një premtim i kryetarit të PDK-së, Kadri Veseli, që e kishte bërë gjatë fushatës elektorale në Prizren, ka mjaftuar që Ministria e Kulturës të nisë proçesin e zhvendosjes së pjesshme në këtë qytet.
Ende pa vendim të qeverisë, pa kurrfarë konsultash me institucionet qendrore të kulturës a ndonjë analize reale, kabineti i ministrit Kujtim Gashi është duke kërkuar objektin e ri në qytetin jugor, shkruan sot “Koha Ditore”.
Ndërkohë që Ministria ende nuk e di se çfarë do të bëhet saktë në këtë drejtim, drejtuesit e institucioneve qendrore të kulturës këtë e shohin si veprim të gabuar. Ka prej tyre që konsiderojnë se bëhet fjalë për veprim të pastër politik.
Ministri i Kulturës, Kujtim Gashi, ka thënë se tashmë është në konsultime me Komunën e Prizrenit sa i përket objektit ku do të vendoset një pjesë e MKRS-së.
Sipas tij, kjo pjesë e MKRS-së do ta ketë një objekt brenda Qendrës Historike të Prizrenit. Ai ka renditur një sërë arsyesh për këtë hap, megjithëse ende nuk ka ndonjë arsyetim zyrtar të paraqitur para qeverisë. /tesheshi.com/
