Qendrat e votimit në Prishtinë kanë hapur dyert me kohë. E para që ka votuar është kryetarja e KQZ-së, Valdete Daka, e cila i ka ftuar të gjithë qytetarët me të drejt vote që të dalin dhe të votojnë.
“I ftoj qytetarët me të drejtë vote që të votojnë, ta rrisim imazhin e shtetit tonë, të sillemi me dinjitet. I ftoj të gjithë komisionerët e subjekteve politike që mos ta keqpërdorin pozitën e tyre dhe të sillen sipas standardeve ndërkombëtare, dhe t’i tregojmë botës që edhe ne jemi pjesë e demokracisë dhe se dimë të bëjmë zgjedhje atëherë kur duhet,” ka thënë Daka.
Ajo ka shprehur besimin se të gjitha vendvotimet janë hapur dhe nuk ka ndonjë informatë që ka ndonjë problem deri më tani.
Kujtojmë se në krejt Kosovën do të jenë të hapura 889 qendra votimi, me gjithsej 2490 vendvotime, derisa numri i votuesve është 1 milion e 872 mijë e 941 votues. /tesheshi.com/
