“Kosova nuk mund të refuzojë kërkesën e SHBA-së për të hequr taksën për importet e mallrave nga Serbia dhe Bosnja”, tha zv.kryeministri Behgjet Pacolli, njëherësh dhe ministër i Jashtëm.
Ai, duke folur për RTK-në, tha se do të “fliste me kryeministrin Ramush Haradinaj për mundësinë e një përgjigjeje pozitive për SHBA”.
Ndërsa duke folur për diplomacinë e Kosovës, Pacolli u ankua se “puna e tij ishte penguar nga mungesa e unitetit të zyrtarëve shtetërorë”.
Sipas tij, “pozicionet e ndryshme të Presidentit (Hashim Thaçi) dhe Kryeministrit (Haradinaj) për dialogun me Serbinë krijojnë paqartësi”.
“Në bisedimet me Serbinë, Kosova mund të bëjë kompromise të caktuara, të cilat do të ndodhin brenda demarkacionit të kufirit me Serbinë”, tha Pacolli.
Ai më tej shprehu shpresën se “opozita do të bashkohet me ekipin negociator”.
Kryeministri Haradinaj nuk ka marrë më parë vizë amerikane dhe nuk do të jetë në gjendje të marrë pjesë në një konference mbi Ballkanin në fillim të shkurtit në Shtetet e Bashkuara.
Më herët, ai njoftoi se qeveria e Kosovës ishte e gatshme që të pezullonte taksën 100-përqindëshe, nëse merrte garanci ndërkombëtare për nënshkrimin e një marrëveshjeje përfundimtare që do të rezultonte në njohjen e Kosovës.
Në fillim ishte BE, e tani dhe SHBA, të cilat kërkojnë heqjen e taksës së rëndë doganore ndaj Serbisë dhe Bosnjes.
Qëndrimi i Pacollit është një shenjë e parathënë se qeveria e Kosovës, tashmë që reagoi dhe Uashingtoni – i cili sapo i ka “dhuruar” Kosovës ushtrinë e saj – mund të tërhiqet nga taksa. /tesheshi.com/
