Nisja e punimeve për ndërtimin e Teatrit të ri Kombëtar, aty ku që i vjetri, shembur në kohe karantine dy vjet më parë, ka rikthyer këtë çështje në zhvillimet e ditës. Kjo pasi individë të Aleancës për Teatrin, si dhe figura të opozitës, u shfaqen aty për të kundërshtuar ndërtimin e të riut, pasi kundërshtuan me muaj prishjen e të vjetrit.
Kësisoj, gurthemeli i parë u vendos me kordon policor, i cili mbronte ceremoninë e nisjes, me protagonist Ramën dhe Veliajn.
Para tyre, i rreshtuar pro Teatrit të ri, edhe aktori i madh Robert Ndrenika, fillimisht kundërshtar i prishjes. Ky fakt u potencua dhe nga Rama, duke e thirrur Ndrenikën si Prefekti, një prej roleve të tij më brilante te filmi “Koncert në vitin ’36”. 
“E bukura e kësaj skene është që ‘prefektin’ e ‘Koncert 1936’ e kemi këtu me ne. Nuk është në anën e atyre që donin të prishnin koncertin. Kjo është historia bashkëkohore e zhvillimit të këtij vend, ndërkohë që e kam menduar shpeshherë se për se komuniteti i teatrit, duke i lënë mënjanë ata të cilët teatrin, apo stadiumin, apo sheshin ‘Skënderbej’, apo të gjitha veprat e tjera i kanë parë si platformë për të kërcyer ‘Vallen e shpatave të politikës’, por për se komuniteti i teatrit, pavarësisht bindjeve apo simpative që i kanë të ndryshme, kur vjen puna te politika, kishin një mosbesim thuajse konsensual lidhur me këtë proces dhe dëshirën e vullnetin, bashkë me ambicien, për të ndërtuar më shumë një teatër të denjë për këtë teatër si teatër kombëtar”, u shpreh Rama.
